«Менің бақытым – отбасым!» тақырыбында фотоколлаж сайысы ұйымдастырылып, балалар өз отбасының маңыздылығы туралы ойларын шығармашылық жолмен білдірді. Әр топ өз жұмыстарын сөзбен қорғап, бұл шара балалардың өзара сенімділігін арттыруға көмектесті. Сонымен бірге, балалар отбасы мен достарға деген құрмет пен сүйіспеншіліктің маңызын түсінді. Топтар арасында «Dance Time!» атты флешмоб би сайысы өткізіліп, балалар үйлесімді қозғалып, өздерінің би шеберлігін паш етті. Бұл шара топтық ынтымақтастықты нығайтып, балалардың бір-бірімен сенімді араласуына жағдай жасады. Сонымен бірге, флешмоб балалардың дене мәдениеті мен музыкалық талғамын дамытуға ықпал етті.
